Байгалийн ухааны баг

БНАСАУ

/БН Ардчилсан Солонгос Ард Улс/ Утасны код – 850

БН Ардчилсан Солонгос Ард Улс нь зүүн Азид Солонгосын хойгийн хойт хэсэгт мөн түүний зэргэлдээх арлууд дээр оршино. Хойд талаараа ОХУ, БНХАУ-тай хиллэнэ. Бусад талаараа номхон далайн Япон, Шар тэнгисүүдээр хүрээлэгдэнэ.

Газар нутаг: 120.8 мянган км2 газар нутагтай.

Хүн ам: 23115 мянган хүнтэй

Нийт хүн амын  99 хувь нь Солонгос үндэстэн, түүнээс гадна хойд хэсгээр 50000 орчим хятадууд амьдардаг. БНХАУ, Япон, ОХУ зэрэг улсуудад 3 сая орчим солонгосчууд оршин сууж байна. Хүн амын 56 хувь нь хот суурин газар амьдарч байна.  Дундаж наслалт нь эрэгтэй 66, эмэгтэй 72 наслана.

Албан ёсны хэл: Солонгос

Шашин шүтлэг: 2002 оноос Оросын үнэн алдартны шашинг дэмжих болсон.

Засаг захиргааны байдал: 9 томоохон мужид ба төвд захиргадах 3 хотод хуваагдана. Нийслэл хот Пхеньян (2800 мянган хүнтэй). Томоохон хотууд Чхонжин – 800 мянган хүнтэй, Нампхо – 750 мянган хүн, Синыйжу – 550 мянган хүн, Вонсан – 400 мянган хүн, Кэсон – 400 мянган хүн зэрэг болно.  

Төрийн байгууламж: БН Ардчилсан Солонгос Ард улсын тэргүүн, батлан хамгаалах үндэсний хорооны дарга. Хууль тогтоох дээд байгууллага нь нэг танхимт ардын дээд хурал /687 суудалтай/.

БНАСАУ нь төмрийн хүдэр, хар тугалга, цайр, зэс, алт, мөнгө, маргенц, хором, кобальт, магнын хүдэр, бал чулуу олборлодог. Хар болон өнгөт төмөрлөгийн үйлдвэрлэл нэлээд хөгжсөн. Машин үйлдвэрлэх үйлдвэрүүд нь суурь машин, багаж төхөрөмж, авто машин /жилд 15000/, трактор, жижгэвтэр усан онгоц, уул уурхайн болон хөдөө аж ахуйн машин, цахилгаан бараа, зүтгүүр, хөргөгч, радио, телевизор зэргийг үйлдвэрлэдэг. Химийн үйлдвэрүүд нь бордоо, шүү, будаг, нийлэг торго, хуванцар, эм зэрэг бүтээгдэхүүн үйлдвэрлэнэ. Барилгын материал, гутал, мод боловсруулах болон хүнсний олон үйлдвэр байдаг. Шаазан, шазан эдлэл, үйлдвэрлэн гаргадаг. Газар нутгийн 16 хувийг хөдөө аж ахуйд ашигладаг. Цагаан будаа, эрдэнэ шиш, хөвөн, төмс, чихрийн манжин, олсны ургамал зэргийг тариална. Мөн жимс, жимсгэнэ, хүнсний ногоо өргөн тариална. Хүн орхоодой тариалах аж ахуй байдаг. Гахай үхэр, хонь ямаа өсгөж үржүүлдэг ч МАА нь сул хөгжсөн. 5214 км төмөр замтай. 31200 км авто замтайгаас 1997 км хатуу хучилттай.  

Мөнгөн тэмдэгт нь : Вон

Нэг хүнд оногдох ҮНБ: 1450 ам доллар

Уур амьсгал ба ан амьтад:  Далай тэнгисээс эх газарлуу шилжсэн завсрын уур амьсгалтай. Жилийн дундаж хэм нь 10 градус. Нутгийн нэлээд хэсэг нь уулын болон уулархаг бүсэд хамаарагдана. Хамгийн өндөр цэг нь далайн түвшнээс дээш 2744м өндөрт орших Пектусан уул юм. Газар нутгийн баруун хэсэг нь тэгш талаас бүрдэнэ. Томоохон гол нь Амноккан гол юм. Нутгийн 70 орчим хувьд гацуур, нарс, жодоо, царс, туулайн бөөр, хуш бүхий ой ургана. Бар шилүүс, баавгай, буга, хүдэр зэрэг араатан гөрөөсөөс гадна гургууль, цоно нугас, галуу хөх дэглий тогоруу зэрэг жигүүртэн байдаг.  

Түүх соёлын дурсгал: Пхеньян дахь түүхийн музей, Ким Ир Сений музейн цогцолбор, буддын шашны сүмүүд, МЭӨ – I зууны үеийн бунханууд, коммунистуудын цогцолбор хөшөө, Кэсон дахь эртний томоохон барилгууд зэрэг түүх соёлын дурсгалууд байдаг.

Пхеньян дахь Монголын ЭСЯ. Утас : 850 – 2 – 3817322

Факс : 850 – 2 – 3817323

Монгол дахь БНАСАУ-ын ЭСЯ. Утас: 326154, 325663

Эх сурвалж : Дэлхийн улс орнууд, Юрий Кручкин, УБ 2007 он.